[54] นอตีตารมฺมณํ นเหตุํ ธมฺมํ ปฏิจฺจ อตีตารมฺมโณ เหตุ ธมฺโม อุปฺปชฺชติ เหตุปจฺจยา… เหตุยา สตฺตรสฯ

20-21-1. อชฺฌตฺตตฺติกทฺวย-เหตุทุกํ

[55] นอชฺฌตฺตํ นเหตุํ ธมฺมํ ปฏิจฺจ พหิทฺธา เหตุ ธมฺโม อุปฺปชฺชติ เหตุปจฺจยาฯ

นพหิทฺธา นเหตุํ ธมฺมํ ปฏิจฺจ อชฺฌตฺโต เหตุ ธมฺโม อุปฺปชฺชติ เหตุปจฺจยา… เหตุยา ทฺเวฯ

[56] นอชฺฌตฺตารมฺมณํ นเหตุํ ธมฺมํ ปฏิจฺจ อชฺฌตฺตารมฺมโณ เหตุ ธมฺโม อุปฺปชฺชติ เหตุปจฺจยา… ทฺเวฯ

นพหิทฺธารมฺมณํ นเหตุํ ธมฺมํ ปฏิจฺจ พหิทฺธารมฺมโณ เหตุ ธมฺโม อุปฺปชฺชติ เหตุปจฺจยา… เหตุยา ฉฯ

22-1. สนิทสฺสนตฺติก-เหตุทุกํ

[57] นสนิทสฺสนสปฺปฏิฆํ นเหตุํ ธมฺมํ ปฏิจฺจ อนิทสฺสนอปฺปฏิโฆ เหตุ ธมฺโม อุปฺปชฺชติ เหตุปจฺจยาฯ นอนิทสฺสนสปฺปฏิฆํ นเหตุํ ธมฺมํ ปฏิจฺจ อนิทสฺสนอปฺปฏิโฆ เหตุ ธมฺโม อุปฺปชฺชติ เหตุปจฺจยาฯ นสนิทสฺสนสปฺปฏิฆํ นเหตุญฺจ นอนิทสฺสนสปฺปฏิฆํ นเหตุญฺจ ธมฺมํ ปฏิจฺจ อนิทสฺสนอปฺปฏิโฆ เหตุ ธมฺโม อุปฺปชฺชติ เหตุปจฺจยาฯ เหตุยา ตีณิฯ

นสนิทสฺสนสปฺปฏิฆํ นนเหตุํ ธมฺมํ ปฏิจฺจ สนิทสฺสนสปฺปฏิโฆ นเหตุ ธมฺโม อุปฺปชฺชติ เหตุปจฺจยาฯ นสนิทสฺสนสปฺปฏิฆํ นนเหตุํ ธมฺมํ ปฏิจฺจ อนิทสฺสนสปฺปฏิโฆ นเหตุ ธมฺโม อุปฺปชฺชติ เหตุปจฺจยาฯ (นเหตุ นนเหตุ โอวตฺตา, ตีณิ มูลานิ, เอกวีสติ ปญฺหา กาตพฺพาฯ)

22-2. สนิทสฺสนตฺติก-สเหตุกทุกํ

[58] นสนิทสฺสนสปฺปฏิฆํ นสเหตุกํ ธมฺมํ ปฏิจฺจ อนิทสฺสนอปฺปฏิโฆ สเหตุโก ธมฺโม อุปฺปชฺชติ เหตุปจฺจยาฯ